Krishnapur bidhansabha amchai o mayung kwthung choprob mani o mwng sa bo sep naharya ungwi tongkha Tripura hapang ni montri Bikash debbarma, mayung kwthung choprob mani ni simi yak kakya khe eba mwng sa bo sep naharjakya khe loksabha chongmari o vote rwiya hwnui sakthar mwng rwkha amchai ni tong kosong loku rok. krishnapur bidhan sabha amchai ni maharanipur kopali tila amchai o mayung kwthung bai choprobjakgwi kokti sal ni sanja jora langma arikha khorok sa chakra ni.ah pati mwng ni koktwma amchai gwnagui saimankhe no hai hola ung mani nukjakha. TSR sengkwrang ti bolong tang bedek ni samwng khwlainai rok ni phasing bo jolai lai mwng phunok kha amchai ni loku rok.borok ni kok silsamwng, bolong tang bedek ni samwng khwlainai rok kaham khe naikol mwng khwlaiya ni bagwi no langma chokha chakra ni. pati mwng sai manwi kokthum thumnai rok thang khe amchai ni loku rom bo kebeng mwng o kwlai nani nangkha, pati mwng saimankha, bolong ni mayung kwthung choprob mani o kokti sal ni sanja jora langma chokha Nirud chowdhury ni mwngui khorok sa chakra ni. umar char chi ba bisi ni. jolia lai mwng phunuk kha thwi thang nai ni bwsajwla, bo saklai kha, montri eba amchai ni MLA Bikash debbarma ni naikol wmng kwrui ni abgwi no langma arikha bini bupha ni. mayung choprob mani pati mwng ni amchai ni loku rok no mwthangya hwnkhe vote rwiya borok.mayung choprob mani ah pati mwng no kirilawi chwrai rok no twi lama o thangwi tong nani nangwi tongkha amchai ni loku rok no.Tabuk naharmwng, mayung choprob mani pati mwng o tamo sep nahar montri Bikash debbarma.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
