Ganatantra no recovery khwlaina nangnai. Lukorogni langma tei sampatino safety khwlaiwi toniwi manaijat, haste ni lukorog freedom khwlaiwi tongwi manthung, kaham khe kok sawi manthung- Aboni bagwi no phainai loksobha chongmario congress bai CPIM alliance wngkha- salthang Tripura oh I.N.D.I.A ni bwkhak twi batainai Asish Kumar Saha no supports khwlaiwi songchajak himbotok oh manjagawi koktisalo abohai no sakha CPIM ni ojama eba haste ni kwcham phereng tangbedekni montri Manik Dey. Koktisalo Jirania, Mandai tei Khoyerpur bidhansabha kendra miliwi kaisa kotor roadshow khwlaijakha. Kashipur, Chaturdash devta bari tei Khoyerpur hatio kaisa chongmarini himbotok panda songchajakha. Asalni panda oh manjakha loksobha chongmario I.N.D.I.A ni bwkhak twi batainai Asish Kumar Saha tei yakchi bodolni ojama Pavitra Kar. Asalni panda oh nangkukmani kok narukkha kwcham phereng tangbedekni montri Manik Dey. Bo teibu sakha, BJP ni satokmung naikolmungni yakni hakotor no safety khwlaina nangnai. Hakotor no safety khwlaina bagwi no alliance wngkha congress tei CPIM. Aboni bagwi no kha-kwrak khwlaiwi vote center oh thangna bagwi no joto no koikha tei haste oh tongkwchang ni boyer kiphilwi matubulainai. Aboni logi logi Jirania, Mandai tei Khoyerpur oh voters rokno hujak khwlaiwi rikha Manik Dey. Vote rinani joto ni adhikar tongo. Kebono kiriya karwi vote marilainai. Haste lukorogni adhikar, borom tei samman no narukna bagwi no chongmario congress tei CPIM ni bwkhak twi batainai Asish Kumar Saha. Roadshow tei lamani panda oh sak baithangni bagwi vote sankha bo.Koktisalni ah roadshow oh congress tei CPIM ni kwbangma sipai rok phaiwi manjakha.
