Phai tongnai loksabha chongmari no bwskang o tonwi joto loku rok ni bising o tongthoklai mani nukjak kha kanchanpur bwkhaste o. cha salo salka Tripura achugthai ni BJP ni batainai Kriti singh debbarma ni support o road show khwlai kha haste ni montri okra Dr.Manik saha. sathai kwlai oh, montri okra ung mani ulo tabuk no puila kanchanpur o thangkha bo, cha salo kanchanpur mandal ni tang nogo eba shyma prasad bhavan ni simi road show no songsai rwkha montri okra. bini logi nukjak kha batainai Kriti singh debbarma, montri Tinku roy no bo. ah salo kanchanpur hati beraiwi jampui road gana maharani Kanchan Prava Devi ni mangpili o khum rwoi borom rwkha montri okr. ah salo phawi manjak phainai loku rok ni bwsakng o motri okra saklai kha, montri bokhorok Narendra modi 370 achugthai o no kwplai ungna bagwi je naikol mwng naharkha abo hai khe no haste ni kai nwi achugthai o kwplai ungwi montri bokhorok no sokat rwna ni bagwi pirlai mwng khwlai tongkha pradesh BJP.Ah salni road show o phawi manjak phai mani nukjak kha MLA Philip kumar reang, bharatiya janata party hangkor committee ni achugphang Kajol das, MDC Sailendra nath. ah salni road show o bharatiya janata party, Tipra motha tei IPFT bodol ni samwng khwlainai nai tei naikolnai rok bo kwbang no phawi manjak phai mani nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
