Tripura haste ni kwrui loku rok teibo bobo hai khe kwrui khwlai man nai abo simi wansuk o rajakhor aguli ni melarmath o achugwi. pha sal ni horo chandrapur o songsa jak mani kaisa sabah o kok narugna phuru abo hai khe no congress tei CPIM ni phasing naharwi khuk kengkha salthang Tripura achugthai ni BJP ni batainai eba haste ni kwcham montri okra Biplab kumar deb. bo mwng saiya karwi congress ni MLA Sudip roy barman tei congress ni haste achugphang Ashish kumar saha ni phasing kok tisa kha, loku thum panda o phawi manjak phainai loku rok ni phasing saklai kha, Tripura ni loku rok simi montri bokhorok Narendra modi tei Amit shah , JP.nadda ni kahai borok Tripura ni joto loku rok no kaham khe naikolwi tong mabai tabuk sak jora Tripura ni loku rok kaham khe no tongwi tongkha. Tripura o congress tei CPIM no karwi mwngsa bo kebo kok sawi manya ungwi tongmani. phiya ba bharatiya janata party ni montri bokhorok Nareandra modi tei Amit shah Tripura haste ni phasing kaham khe naikolmabai wai nwi no haste o bharatiya janata party hapang khatorlaikha. abo ni logi Biplab kumar deb teibo saklai kha, congress ni MLA Sudip roy barman ni mwng saiya karwi bo saklai kha, waisa montri ungmani abo bo bharatiya janata party ni bagwi no ungwi mankha hwnui, waisa phano congress ni simi montwi ungwi manliya. abo ni logi bo CPIM ni haste tangphang Jitendra chowdhury ni phasing bo kok tisamani nukjak kha, bo saklai kha, montri okra ung nani bagwi lai thanai 2023 bisi o bidhan sabha chongmari ni phuru sabrum ni simi batailaimani, phiya ba kebeng nai bodol ni adong phano ungwi manliya. tabuk Tipra motha tei BJP alllince ungma bai tabk se kebeng nai bodol ni adong ungwi mankha. phiya ba 2024 bisi ni chongmari o borok no tei naitugwi tikhlawi man galak.pha salni horo 6 agartala bidhan sabha gana 10 no. ward ni luajimung bai chandrapur school thung khola o loku rhum panda songsai rwmani, ah salni loku thum panda o kebeng nai bodol yakarwi BJP bodol bai gwdal mani nukjak kha, borok no bodol ni bana bai khwlawi lamsogwi naharkha aro phawi manjak phai nai nograi okra rok.ah panda o phawi manjak phai kha pradesh BJP ni achugphang jwk Papiya dutta, 6 agartala mondal ni achugphang Hiralal debnath, 10 no.ward councellor Soma majumdar akosong.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
