Hor ni andra gundra oh smuggling ni bania kwbang no ungwi tongkha salgwra Tripura hangkor, Tripura-mizoram ari ni longai twisa twi. sal burum burum no hor ungkhe no ah ari twi khwlawi damchara thana amchai ni dal bidal naka point o twi mosok, kowai no khobui kwbangma phekjaknai manwi ni smuggling khwlaijagwi tongo. Tei smuggling khwlainai rokno kasona bagwi sak tharwi duty khwlaiwi tongo police. Swrang salni horo Damchara police ni chaitokmung bai kai chuku mosok no khobui khoroktham smuggling khwlainai rokno romkha police. Asalni patimungno twiwi thanani OC Sanjoy Majumder sakha, swrang salni horo Mizoram ni simi Tripura oh kaisa Bolero malkhung hapmani koktwma mankha police. Aboni logi logi no police ah amchaioh thangwi huijagwi tongkha. Phiyabha ah suggling khwlainai rokno police lamao huijak tongmani sawi manwi kharnani naikha, phiyabha police ni yakni kharwi manliya khoroktham smuggling khwlainai rok. Aboni yagulo malkhungo naicherwi kai dok mosok tei khoroktham sikla no romkha, aboni pore gana gini ni amchaioh naicherwi teibu magtham mosok mankha police. Romjakmani mosokni hati dor 20 lakh wnganu hinwi sakha OC. Puila naichermani yagulo ah mosok rokno guwal ni nogo horjaknai hinwi sakha OC. Smuggling khwlainai khoroktham sikla ni mung wngkha Jabir Ahmed, Kamal Hossain tei Faizul Hossain. Sangrong salo borokno Dharmanagar ni dorbar nogo tisajaknai hinwi sakha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
