2014 bisi o hakotor ni sebok sikla sikli rok no kok rwoi, hakotor ni hukbar khwlainai rok no bo kok rwoi phatar haste ni simi black money tubwi hakotor ni joto nwkhung ni account o 15 lakh rang khwlawi joma rwkha hwnui kokrwoi phan o phaikha bharatiya janata party, sangrong salo salka Tripura tapashili jati achugthai ni india block ni CPIM ni batainai Rajendra reang ni support o Teliamura ompi chowmuhuni o songsa jak mani kaisa loku thum panda o kok narugna phuru naikolnai bodol BJp ni phasing abo hai khe no kok silsamwng khwlaikha kebeng ani bodol ni adong eba yaksi ni haste tangphang Jitendra chowdhury. bo saklaikha, 2014 bisi ni ulo 2019 bisi o bo bharatiya janata party no phan ni simi norna bagwi hakotor ni loku rok thansa ung mani, phiyaba teisa kwtal lama tikhlawi 2019 bisi o phan o phaikha bharatiya janata party.ah salo kok narugna phuru Tipra motha bodol ni kwcham supremo eba bubagra Pradyot kishore debbarman no kotor kuk khe khuk kengkha salka achugthai ni india block ni batainai Rajendra reang.bo saklaikha, Tiprasa than sa grater tipraland swnam nai hwnui slogan rwmani, tei thung kwrung khwlai galak hwnui samani. phiya ba paithago boromura hachuk ni hatai kotor o kwthumlawi, tiprasa loku rok no emang phunugwi borok ni support no sanwi ADC o habkha. phiya ba ADC o phan o phawi tiprasa loku rok ni bagwi kaisa phano kaham samwng khwlai liya bo.ah salni sabha o phawi manjak phai kha congress ni kwcham MLA Ashok baidya, CPIM teliamura bwkhaste committee ni tangphang Hemanta kumar jamatia, kwcham MLA Manindra chandra das.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
