congress bodolni samungno hamya khwlaina bagwi je mansak chaitukgwi tongo haphangni BJP bodol. swrang salo agulin pradesh congress Bhabano songsajakmani kaisa kokthum pandao manjakgw omo haino sakha congress bodol. hasteni kwbangma thai congress bodolni vote awai khwlaimungno hamya khwlaiwi tongkha BJP bodol. kwrak salo salthang tripura loksabha kendrani gana bamotia ghat oh wngmani patimungno twiwi sai khwnarikha congress bodolni hasterwk khokphang Prabir Chakrabartty. bo sakha , kwrak salo pradesh congress bhabani simi vote awai khwlaina bagwi khongsa malkhung nokhor kha bamotiani bagwi. ah malkhungno lama kwcharo bathakrioi , malkhung chaloknaino butok sitok khwlai kha. ah malkhung chaloknaini pocket ni ran rogbo sekgwi nahar kha BJP bodolni tangkrak rog. borogni samung sitra oro simi bathakliya , malkhungni simi vote awai khwlaimugni joto manwi rogno ganani bolongo twlangwi soksai rikha borog. patimungni koktwma manma logi logino amchaini amchaini congress tangkrak rogno logi twiwi thanao kaisa FIR khwlaijak kha tei salthang Tripurao congress ni wngwi batainai Ashish kumar Saha chongmari tang bedekni haba nogo bo oh patimungni koktwma rikha. omo hai samung rogni bisingtwino kebengnai bodol rogno kechen khwlaina bagwi chaiktukgwi tongo BJP bodol. hai hinwi no kok silsa kha Congress bodol.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
