Teikisa jora ni naikol mwng, abo ni ulo no songsai jak nai loksabha chongmari. haste ni kai nwi dopha o songsa jak nai ah loksabha chongmari. chongmari tei vote ni samwng no twi voter rok ni bising o sakthar mwng tisai tubna bagwi administration ni wbkhak twi sep nahar jakha, abo ni bising o lai thanai sal nwi saltham ni swkang bo rajakhor aguli ni dal bidal rwng nogo eba college o kaisa sakthar mwngni sbibir songsai rwjakha. tbuk khe university ni rwng swrung nai tei swrung nai jwk song ni bising o vote no twi sakthar mwng rwna ni bagwi hangkor ni chongmari ni samwng khwlainai rok no twi Tripura university o kaisa sakthar mwng ni pansa songsai rwjakha kwrak salo. ah salni panda o phawi manjak phai kha Tripura ni chief electoral officer Punit agarwal, salthang Tripura hangkor naikolnai Dr.Bishal kumar, Tripura university ni vice chancellor Gangaprasad Prasain tei Gymnast Dipa karmakar akosong. a salo kok narugna phuru chongmari o ballot paper twi vote naharjakya tei EVM use khwlai mani abo ni sep rok sawi khwna rwkha Tripura hangkor naikolnai Dr. Bishal kumar. ah salni samwng bwtang ni bising twi vote rwna ni no twi sawi khwna rwkha aro phwi manjak phainai rwng swrung nai tei swrung nai jwk song no.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
