Phaitong nai loksabha chongnari o sak ni kwplai mwng ni bagwi kai nwi achugthai o no chongmari o batainai rok no support khwlawi kaisa ni ulo kaisa sabha eba loku kwthumlai mwng khwlai tongkha naikolnai bodol BJP.s salka ni simi salthang eba ramangar ni by-election ni bagwi bo dal bidal samwng bwtang khwlai mani nukjak tong kh ahste BJP no. abo no kitingwi no kwrak salo salka Tripura achugthai ni BJP ni ungwi batainai Kriti singh debbarma ni support o kaisa sabha khwlai jak kha, ah sabha o thangwi manjak kha haste ni montri okra Dr.Manik saha. bini logi thangkha Tripura cabinate ni montri Animesh debbarma, montri Tinku roy ni logi salka Tripura achugthai ni BJP ni batainai Kriti singh debbarma. ah salo kok narugna phuru, phai tong nai loksabha chongmari o salka Tripura achugthai o BJP ni ungwi batainai no kwbang kuk vote bai kwplai khwlaina bagwi kobok mwng khwlai kha montri okra. abo ni logi bo saklai kha, agi ni simi yaksi bodol tei congress haste no deramwng rogo simi khiklai mankha, phiya ba 2018 bisi o haste hapang swlai jak mani ulo loku rok ni sanmwng no borom rwoi tabuk ni haste hapang samwng khwlai tongkha, abo ni bising o Tipra motha, BJP bai gwdal ung mani bagwi teibo haste ni samwng rok wkchug kanai.ah salni achuglai ni bising twi BJP ni batainai no kwplai khwlai na bagwi kobok mwng khwlai kha haste ni social welfare tei social education tang bedek ni montri Tinku roy, abo ni logi bo saklai kha, kaisa jora o je communist khwlai mani borok bo tabuk communist rok no naslemwng phunuk tong kha tangwi hwnkhe bhata rok ni simi norwi rwma ni bagwi, phiya ba tabuk ni haste hapang joto ni bagwi no sabka sath sabka vishwas ni kahai no samwng khwlainai tongkha. ah salo kok narungkha phuru montri Animesh debbarma saklai kha, kalyanpur ni loku rok 1997 bisi ni pati wmng rok pogwi mangalak, communist rok haste o no simi bobo hai khe deramwng o khiklai mano abo simi nawi samwng khwlai kha, phiya ba tabuk ni tabuk tei phai tong nai sal rogo BJP ni bagwi no haste ni mwng kwchug o kamani nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
