Haste ni loku rok tongthoklai mani bising twi salthang Tripura loksabha achugthai ni tei 7 ramnagar bidhan sabha ni by-election o bharatiya janata party ni batainai kwcham montri okra Biplab kumar deb tei Dipak majumdar no kwbang kuk vote bai khwlawi no kwplai khwlainai.kwrak salo pirlai mwng o ongkhorwi abo hai khe no samani nukjakha Tripura pradesh BJP ni achugphang Rajib bhattacharjee, simi batainai rok ya, bodol ni achugphang , montri okra ni logi bodol ni naikolnai rok no pirlai mwng khwlai tongkha sapung hopung romwi. kwrak salo Tripura pradesh BJP achugphang Rajib bhattacharjee, 7 ramnagar bidha sabha ni by-election o bharatiya janata party ni batainai Dipak majumdar tei bodol ni samwng khwlainai rok no twi nok nogo pirlai mwng khwlaimani nukjakha. ah salo bo krishna nagar chongmari office ni simi ongkhorwi benarje para amchai ni nok nogo thangkha. kok sakha voter rok bai, tei loku rok ni suri mwng sankha, pirlai mwng ni ulo kokthum thum nai ni bwskang o Rajib bhattacharjee saklai kha, chung no haste ni kai nwi loksabha achugthai tei ramnagar ni by-election o kwplai ung nai hwnui.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
