Phainai loksobha chongmarino tongkwchang ni bising twi kaham khe khwlaina bagwi BJP,Tipra motha tei IPFT bodol ni luajimung bai Khowai ni Swapnapuri guest house oh kaisa koklam panda songchajakha. Phainai loksobha chongmarini bodolno bahai khe teibu kwrak khwlaiwi mano abono twiwi swbaui sukurwbwi koklam salaikha hinwi saimankha. Asalni panda oh manjakha Tipra motha ni ojama eba Tripura Cabinate ni montri Animesh Debbarma, haste ni Tiprasa hamkrai tangbedekni montri Bikash Debbarma, haste ni kwcham bolong tangbedekni montri eba Mevar Kumar Jamatia, Tipra motha ni Tiger MLA hinwi sinimung manwi tongnai borom gwnang mwchang Ranjit Debbarma, MLA Swapna Debbarma, MDC Kamal Kalai, kwcham MLA Prasanta Debbarma, TWS ni central president Manihar Debbarma. Tangsalo ah panda paimani yagulo koktwma thumnai rokni bwskango swbai sukurwbwi sai khwna rikha Tipra motha ni ojama eba Tripura Cabinate ni montri Animesh Debbarma. Phainai loksobha chongmarino tongkwchang ni bising twi khwlaina bagwi no kokchaplaimung panda songchajakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
