Kamalpur cricket association ni senior cricket tournament final match songsa jak kga tang salo.kamalpur kalibari cricket thung khola oh ah match songsa jak kha, final match oh thungkha Deer Club tei Aponjon Club. ah salo match songsa jak nani swkang kwcham cricket player eba kamalpur cricket association ni secretary Rajib majumdar no mwitu khwlai mani bo nukjakha, bini magpili o khum rwoi borom rwkha match o phawi manjak phai nai loku rok. ah salo puila batting khwlai kha Aponjan club. puila o batting khwlaina bagwi ongkhorwi joto wicket pawi 29.1 over o 83 run khwlai kha Aponjan club. abo ni ulo Deer club batting khwlaina bagwi ongkhorwi 21 over oh 5 wicket o mechen rwoi rwkha Aponjan club no. tournament o man of the match tei man of the series mankha Deer club ni thung nai Debojyoti bhattacharjee, tournament no twi kamalpur cricket association ni achugphang Rajendra das saklai kha, tong kwchang habar ni bising twi no tournament pai kha tei phai tongnai sal rogo kamalpur ni thung nai rok haste ni bising o mwng kasa rwnai hwnui chaitog mwng bini. match pawi champion Deer club ni yago trophy tisai rwkha kamalpur ni kwcham cricket palyer eba MLA Monoj kantri deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
