Bagbasha bidhan sabha amchai o bemar ung jak loku rok ni sak bobo hai abo naikolna bagwi dharmanagar hangkor sakham nogo thangwi sakham nok ni mangpili nugwi jolilai mwng phunuk kha bagbasha bidhan sabha kendra ni MLA Jadab lal debnath. ah pati mwng no twi MLA saklai kha, hangkor sakham nogo bemar ung nai loku rok no naikolna bagwi kwbangma ward o thang kha bo, aro thangwi no nugwi mankha sakham nok moila ungjak tei hamya bahai rok bo phawi tongkha, abo ni ulo khorok sa saknaikol nai ni thani phone number nawi medical super bai kok sakha MLA.medical super agartala o tongma bai phone twi no bo saklai kha, sakham nok sap sutra khwlaimani naikol mwng o je tong nai borok ah samwng khwlai rwnai. abo ni ulo MLA sak baithang bacahwi hangkor sakham nok ni kwbangma ward sap sutra khwlai rwkha. sakham nok ni saknaikol mwng o je tong o bo kaham khe naikol phano dharmanagar hangkor sakham nog no sap sutra khe ton na bagwi kebo sep naharya hwnui ah salo kok silsamwng tisa kha bagbasha ni MLA Jadab lal debnath. bo saklai kha, Tripura haste ni sakham naikol mwng no kwchug o karwna ni bagwi haste ni montri okra Dr.Manik saha ni naikol mwng o sal burum burum no samwng khwlai tong kha haste naikolnai rok. abo rok agirogo nukjakya kho. agi ni hapang ni jora oh simi michil tei sabha khwlawi jora lai rwoh, phiya ba bharatiya janata party hapang ni jora o abo hai samwng ungya. abo ni ulo MLA saklai rwkha, bemar ung jak loku rok mwng sa bo deramwng rogo kwlaiya twi, ayang phasing naikol mwng rwna ni nang nai tei tabuk ni simi sal o wai tham sakham nok sap sutra khe ton nani nang nai,abo rok khwlai jakya khe haste ni montri okra Dr.Manik saha tei dharmanagar ni MLA Bisawbandhu sen bai kok sawi sep nahar jak nai hwnui khuk baithang samani nukjak kha MLA Jadab lal debnath no.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
