Nok nogo thangwi piralia mwng chengwi rwkha 7 ramnagar bidhan sabha kendra ni batainai Dipak majumdar.phai tong nai by-election o bharatiya janata party ni ungwi batainai sadar bwkhaste naikolnai Ranjit das ni thani nomination bwlai yapharwi rwkha bo. sathai kwlai oh, lai thanai 2023 bisi ni december tal o thwi thang kha 7 ramnagar bidhan sabha kendra ni MLA Surajit du tta.bo thwi ma bai ah thai bukcha ungwi thang kha, tabuk ah thai no supung na bagwi BJP taklai batainai chonghor kha agartala pura nigam ni tabuk ni mayor Dipak majumdar no. 31 march salmari eba kokti salo rajakhor aguli ni krishna nagar ni Magnet Club gana ramnagar bidhan sabha ni chongmari tang bedek ni bwskang ni simi nok nogo thangwi piralai mwng khwlai mani nukjakha bono. thwi thang nai MLA ni samwng no teisa chengwi rwna ni bagwi samwng khwlai nai hwnui ah salo saklai kha Dipak majumdar.amchai ni loku rok ni logi bachwi no samwng khwlainai hwnui kok rwkha. tei chi char sal tong sioh chongmari. abo ni bising o 7 ramangar bidhan sabha kendra ni joto nok nogo thang nani nai tong kha batainai. phiya ba tabuk joto nok nogo thnagwi manya khe chongmari ni ulo samwng ni bwkhak twi ramnagar ni joto tong kosong loku rok bai malai nai hwnui kokti salo kok rwkha bharatiya janata party ni batainai Dipak majumdar. Surajit dutta thwi ma bai ah thai thai ni simi BJP batainai chonghorwi rwkha Dipak majumdar no. thwi thang nai MLA sUrajit dutta ni kahai joto loku rok ni kha bising o thai khwlawi nahar nai hwnui kokti salo sakha 7 ramnagar bidhan sabha kendra ni tong nai eba Tripura haste ni mwng gwnang rwchap mwng kwrung Tithi debbarman. Ramnagar ni kaisa samwng phano bathakjak tong galak hwnui kokti salo kok rwkha bharatiya janata party ni batainai Dipak majumdar.nok nogo thnagwi pirlai mwng khwlai phuru kwbang no loku rok phawi manjak mani bo nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
