Huijak koktwma ni bising twi 29 march eba phasalni aichugo salgwra hangkhor ni mung gwnang dakaat no romkha salgwra hangkhor ni police super Bhanupadh Chakraborty. Sal kolokma ramwi haste ni kwbangma amchai oh manwi khogmao gwdaljak bo. Bini mung Nazimuddin, omar 33, bini nog Churaibari thana bai khobjak salgwra Fulbari kami oh hinwi saimankha. Nazimuddin ni dakaati khwlaimani bagwi kwbangma amchai oh hor hor khwlaiwi duty khwlaina chengkha salgwra hangkhor ni tongkosong lukorog. Paithago huijak koktwma ni bising twi police bai romjakha. Koktisalo kaisa kokthum panda khwlaiwi sakhwlaikha salgwra hangkhor ni police super Bhanupadh Chakroborty, thanai 29 march eba phasalni aichugo Bagbasa thana khobjak Ganganagar amchai oh romkha Nazimuddin no. Bono rommani jora oh goli kokkha dakkatini members sng. Self defense ni bagwi paithago police rokbo goli kokkha, aboni yagulo ramwi mankha mung gwnang dakaat eba dakaat ni sardar Nazimuddin no. Aboni logi kainwi silai, kainwi ram da, no khobui kubuni manwi khwnwi mankha police. Thanai talsa talnwi ramwi Dharmanagar ni kwbangma amchaini manwi khokmao borokni yak tongo hinwi sakha Nazimuddin. Aboni yagulo police ni thani bono kebengwi kwbangma evidence tongo hinwi saimankha. Bono kok sungna bagwi haste ni kubuni thanani police rokno Dharmanagar oh thangkha.Nazimuddin no kebengwi kerongni kaisa kainwi dara oh bono kebengwi mamla khwlaikha Bagbasa thanani police. Dakaat Nazimuddin no Dharmanagar ni dorbar nogo rahorjakha, Dorbarphang bono sal ba ni police remand oh twlangkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
