Bangkundri phaima bai deramwng o kwlai jak rajakhor aguli. cha sal ni sanja jora ni simi no watui phai mani cheng kha. kokti salni phung o bo nokbar kotor tei watui kwbang phai kha. ah salni phung o bankundri phaima bai GB. sakham nok ni main gate bwskang ni buphang kotor bawi kwlai kha, buphang baima bai dam nwi romwi mwthagjak thang kha GB. sakham nok ni main gate ni lama. deramwng o kwlai kha chung phereng ni sep bo. gate bwskang ni phal nok ni nwkhung rok bo bawi kwlai mani nukjakha. buphang tola ni haa kuwagui asuk kwcham kotor buphang bawi kwlai kha hwnui sakha lama o thang phai khwlai nai loku rok. phiya ba kebo sak rogo dukhu manya hwnui saimankha, pati mwng thaio logi logi no thangwi sogwi kha naikolnai rok. koktwma manwi no pati mwng thaio thangwi sogwi kha agartala pura nigam ni samwng khwlainai rok. logi logi thangwi samwng o yak phungwi lama ni simi buphang no norwi rwmani nukjakha. kokti salni phung bankundri phai ma bai chung phereng ni sep deramwng o kwlai phano chung phereng tang bedek ni samwng khwlai nai rok dati khe samwng o yak phunangkha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
