CPIM tei congress rogni sitra yak tabok thansa wnglai kha.Hasteo kaisa jorao congress bai cpim jono waisa kok silsalaio. agi cpim rog congress bodolni tangkrak rogno belaino khairokma singsakhe bwthar kha. borogni nogrog soksai rimani. borogni haphangni jorao bwrwi rogni halok belaino hamya tongo. Hoda oh kaham borom manya tei rompherejak mani maribo kwbang. cha salo dhanpurni Bidhansabha kendrao luku kuthumungni pandao manjakwi omo haino sakha Montri okra Dr. Manik saha. Ah salo kebengnai bodolni wngwi lok sabha chongmario batainai Ashish kumar saha no bengaiwi kok sakha montri okra .
montri okra teibo sakha agi congress haphang tongmani jorao north east ni haste rogo bolongni borokni akarma rogbo kwbang nukjakgo. phiya hakotoro montri bokhorok wngwi narendra modi barja naharma yagulo tabok bolong borok rogni mari komorwi thangkha. montri bokhorok chini north east hamkwraini bagwi kok rog rikha. tripura hasteni hamkwraini bagwi montri bokhorok kwbangma yapri rog nahar kha. montri okra teibo sakha kerongni 370 no dharano norwi jummo tei kashmir ni jwngjalno norwi rikha montri bokhorok. amoni bagwi 370 dharano borom rioi 370 seat mana bagwi chongmani BJP haphang Phiya bodolni tangkrakrog kaham samungni bagwi amo tabok 400 oh thangwi sogwi kha.Ah salo kwbangma lukurog phaimani nukjak kha koklam pandao.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
