Loksabha chongmari no twi motha no teibo kwrak khwlaina bagwi no sapung hopung romwi samwng khwlai tongkha BJP. Salthang tei salka Tripura ah kai nwi achugthai oh no BJP kwplai ungwi montri bokhorok Narendra modi no sokat yaphar na bagwi nasing jak pradesh BJP. tei naikol nai bodol ni montri, MLA tei haste ni joto thai ni naikolnai rok ni simi chengwi bodol ni samwng khwlainai tei tang bedek ni motha ni ojama song no twi achuglai mwng khwlai kha pradesh BJP. abo no kitingwi no cha salo pradesh BJP Tea cell ni luajimung bai rajakhor aguli ni krishnagar gana pradesh BJP ni tang nogo kaisa achuglai mwng songsa jak kha, ah salni achuglai mwng o phawi manjak phaikha salthang Tripura loksabha achugthai ni batainai Biplab kr.Deb, pradesh BJP ni achugphang Rajib bhattacharjee, Tea cell ni pravari Santosh saha tei Tripura Tea nigam ni chairman Samir ghosh akosong. ah salo achuglai mwng o kok narugna phuru pradesh BJP ni achugphang saklai kha, 2018 bisi o haste o BJP hapang songsa jak mani ulo haste ni Tea industry no teibo kwchug o ka rwna ni bagwi kaham yapri naharjakha. abo ni bising o ungkha cha ni samwng khwlainai rok ni rang kwbang khwlai nani, thai ni patta rwna ni tei borok ni saknaikol mwng ni kok wansugwi AYUSHMAN card rwna ni. ah samwng simi kwcham montri okra Biplab kumar deb ni bagwi tei tabuk bo haste ni cha bagan rok no teibo nai tho thok khwlai nani bagwi bharat hakotor o tisai phunuk nani bagwi haste ni tabuk ni montri okra Dr.Manik saha bo samwng khwlai tongkha. abo ni logi bini khukbaithang samani nukjakha CITU no virus hwnui samani.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
