Tini eba 29 march ni salmari oh Good Friday. Christan dharmani baya sng tini salno kha-khamma sal hinwi palaiwi tongo. Asalo no jesus christ crucified khwlaikha. Hoda hamkrai khwlainani bagwi sak baithangno bedugwi rinani bagwi okologo ta osuldi hinwi kok kwcharkha jesus christ. Koboi tei dharmani bagwi thwinani lamano bo yachagwi naharkha bo. Pap khwlainai rok hayungo kopolong wngwi tongkha. Tongkosong lukorog salbrom no satokjakmano nogwi bwskango phaikha jesus christ. Kha-kaham tei tongkwchangni kok kwcharwi bini samungno chengsakha bo. Phiyabha Judaism samajpati sngni kobolo kwlaikha bo. crucified khwlaimani yagulo dam dok ramwi belai no jwngjalo kwlaina nangkha jesus christ. Aboni yagulo haa yakarwi thangkha bo. Bini mwtai chama salno hayung rwgwi ‘good Friday’ hinwi palaiwi tongo. Christan dharma oh Good Friday no ‘ sacrifice ni sal hinwi palaijagwi tongo. Asalo Church oh bell rijakya tei chati bo muchungjakya. Kha-khammani panda palaijago church oh. Asalo baksa borok rok chaya nukya tongwi surilaioh. Agartala city ni Moriumnagar Church oh Good Friday palaijakha, Asalni panda oh manjakha Tripura haste ni Governor Indrasena Reddy Nallu. Asalo haste ni lukorogno Good Friday no twiwi sakha Moriumnagar Church ni Father Lynes
