Nomination bwlai yapharjak mani paithak ni sal swrang sal jora, salthang Tripura loksabha achugthai o kai chuku nomination bwlai yapharwi rwjakha, tini ungkha scrutiny. kai chuku nomination bwlai oh no legal tong o hwnui sangrong salo saklai kha salthang Tripura loksabha achugthai ni returning officer eba salthang hangkor ni hangkor naikolnai Dr.Bishal kumar.kendriya thung kwrung bodol rokni bising o bharatiya janata party ni bwkhak twi Biplab kumar deb tei national congress tei CPIM bai thansa ungwi batainai Ashish kumar saha bo nomination bwlai yapharwi rwkha. bono karwi bo chogmari o batina bagwi nomination bwlai yapharwi rwkha mukti bodol ni Brajalal debnath, Republican party of India ni Arnab roy. Amra bangali bodol ni batainai Gouri sankar nandi tei SUCI ni batainai Arun kumar bhowmik. salthang Tripura loksabha achugthai ni nirdol bodol ni ungwi batianai khorok tham bo nomination bwlai yapharwi rwkha, borok ungkha Balaram debbarma, Milanpada murasingh, Ramendra reang, phai tong nai 30 march salmari o nomination bwlai rosawi naharnani paithak ni sal.abo ni ulo no batainai rok ni list saklai jak nai hwnui sangrong salo saklai kha salthang Tripura loksabha achugthai ni returning officer eba salthang hangkor ni hangkor naikolnai Dr.Bishal kumar. phai tong nai 19 april salmari o loksabha chongmari songsa jak nai salthang Tripura achugthai o. abo ni swkang paikha nomination bwlai yaphar jak mani samwng bwtang.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
