7 ramnagar bidhan sabha kendra ni by-election o BJP ni ungwi batainai bo swrang salo no sadar bwkhaste naikolnai Ranjit das ni thani nomination bwlai yapharwi rwkha Dipak majumdar. sathai kwlai oh lai thanai 2023 bisi ni december tal o thwi thang kha 7 ramnagar bidhan sabha kendra ni MLA Surajit dutta. bo thwi ma bai ah thai no supung rwna ni nai tongkha Dipak majumdar. ah salo rajakhor aguli ni krishnagar pragati school khola ni simi kaisa loku kwthumlai mwng ung mani yagulo michil bai khwlawi sadar bwkhaste naikolnai ni thani nomination bwlai yapharwi rwkha Dipak majumdar. ah salni michil o phawi manjak phai mani nukjak kha thwi thang nai MLA Surajit dutta ni bihik Pratima dutta. ah salni michil chengdrop oh no thwi thang nai MLA ni bihik ni thani surimwng sankha batainai Dipak majumdar. abo ni logi thwi thang nai MLA ni mwthag jak samwng rok bo khwlaina bagwi tei amchai ni logi bachawi samwng khwlai nai hwnui kok rwkha Dipak majumdar.Ah salni michil o phawi manjak phawi by-election o batainai Dipak majumdar no kha kaham yaphar kha thwi thang nai MLA ni bihik. abo ni logi ramnagar ni joto loku rok ni phasing nahrwi khuk kengkha, bo saklai kha, amchai ni loku rok bukha bai khwlawi no batai nai no vote rwna ni bagwi tei MLA je ung nai bo bai thansa ungwi no samwng khwlawi ramangar ni habar no tong kwchang khe ton na bagwi. Ah salni loku kwthumlai mwng tei michil o bodol ni samwng khwlainai teu agartala pura nigam ni corporator rok phawi manjak phai mani bo nukjakha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
