Tripura ni mwng kwchug o karwna ni hwnkhe soi lama chonghor nani nang nai, ah kaham lama o no twlang thang nai biplab kumar deb, chung agi ni simi no sini laiyo tei bono suppour khwlaina bagwi phai kha, bharatiya janata party salthang Tripura loksabha kendra ni batainai Biplab kumar deb ni nomination bwlai yapharjak mani michil o phawi manjak phawi swrang salo abo hai khe no samani nukjak kha Tipramotha bodol ni kwcham supremo bubagra Pradyot kishore debbarman no. 2024 bisi loksabha chongmari ni swkang Tripura haste o bharatiya janata party tei Tipra motha alliance ungma bai teibo phan kwbang mankha, tabuk nukjago bubagra ni khuktwi no tiprasa loku rok ni bagwi bwsuk ljora kaham samwng khwlai kha Biplab kumar deb, haste ni kwcham montri okra ni phasing kaham kaham song samani nukjak kha bubagra Pradyot no. abo hai khe Biplab kumar deb no khuk kengkha bubagra Pradyot no twi.Tripura ni tiprasa rok no kha bai no hamjago bo. 2018 bisi o montri okra ni barja yapaharjak mani ulo no BRU tei reang saranarthi rok ni bagwi kaham sep naharkha Biplab kumar deb. abo ni bagwi no tongna bagwi nwkhung mankha reang rok.khumulung o bo tiprasa loku rok ni bagwi sakham swnamwi rwna ni bagwi salsa ni bising oh no 30 crore rang rwkha bo. ah kwcham lai phainai sal ni kok pogya kho tiprasa loku rok. tei swrang salo nomination bwlai yaphar rwmani michil o phawi manjak phai kha haste ni kwbang tiprasa lokurok bo. joto loku rok no Biplab kumar deb no hamjakma rwkha. agi ni simi no sinilaijak Biplab kumar deb no borom bo rwkha bubagra. michil cheng drop ni simi hangkor naikolnai thanai nomonation bwlai yaphar rwmani jora Biplab kumar deb ni logi no nukjakha Bubagra Pradyot kishore debbarman no. haste ni loku rok ni phasing naharwi ah salo khuk kengkha, bo saklai kha, BJP-IPFT-Tipra motha thansa ungwi no Tripura o kaisa kwtal habar phainai. swrang salni ah kotor michil o phawi manjak phai kha haste ni montri okra Dr.Manik saha bo, ah salo montri okra saklai kha, BJP, Tipra motha tei IPFT ni abna thansa ungmani nukjakha, abo hai mangpili nugwi baksha baksha ba kiri tongkha. borok ni phasing nahrwi ang koina mwchug o kwplai ung nai bharat hakotor ni montri bokhorok Narendra modi no. thung kwung ni bwkhak twi nukjakha Biplab kumar deb tei Bubagra Pradyot kishore debbarman sinilai mani borom rwmani mangpili. swrang salo abo no nugwi mankha haste ni joto loku rok.
Rwngnogni panda oh manjakha Governor Indrasena Reddy Nallu
Phasalo Teliamura bwkhaste ni Duskir Hari Radha Vidyamondir ni panda oh thangwi manjakha haste ni Governor Indrasena Reddy Nallu. Asalni...
