Gajor kaisa kothok mwikhutung. Haste tei phatar haste oh bini sanmung belai no tongo. Phiyabha takwlai bisi oh gajor kaiwi profit wngya wngwi tongkha. Abono twiwi Krishnapur bidhansabha kendra bai khobjak Nayabari amchaini khorok sa hukbar khwlainai Narayan Biswas sakha, bisi kolokma ramwi hukbar khwlaiwi no nukhung choliriwi tongo. Phiyabha takwlai bisi ni gajor kaimao belai no rang baikha, Kani kaisa thai oh gajor kaina thangkhe no 25 thousand hai rang baiwi tongo, takwlai bisi 3 kani jagao gajor kaikha bo. Aro hukbar tangbedekni bwkhak twi mungsa bo chubachu manya bo. Swkango hukbar tangbedekni bwkhak twi kaisa twini mechine mankha bo, phiyabha tei mungsa bo chubachu manya bo. Tei watwi phaimani bagwi nosta wngwi thangkha kwbangma gajor. Aboni yagulo tei baisa bwkhak phatar haste ni gajor haste oh phaimani bagwi gajor ni dor komiwi thangkha, aboni bagwi belai no lose wngwi tongkha borokni.Haste ni hukbar tangbedekni bwkhak twi haste ni hukbar khwlainai rokno jora jora oh mwikhutung bhuchulwi, bithi, no khobui hukbar khwlainani manwi khwnwi rijagwi tongo. Phiyabha gajor kaimao hukbar tangbedekni bwkhak twi mungsa bo chubachu manya hukbar khwlainai rok. Phiyabha tabok nainani abono tongsio, hukbar khwlainai rokno hangkhor ni hukbar tangbedekni bwkhak twi bwswk jora twi chubachu khwlai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
