Bisi kwdwkma sanlaimung khwlaimani yagulo tabok salema block bai khobjak Singhinala amchaio paka bridge swnamjakna thangwi tongo. aswk sal kolokma jwngjalo kwlaijak tong mani ah amchaini lukurog tabok yoksamung mansinai ah jwngjalrogni. ah amchaini khoroksa tongnai sai khwna rikha , bisi kwdwkma romwino ah amchaini lukurog lama hamyani bagwi jwngjalo kwlaijak tongmani. watwini jorao hinkhe habar teibo hamya wngwi hinwi sakha bo. tamoni hinkhe watwi phaikhe lama ganani drain ni twi rog lamao kwsai phaio. phiya ba tabok oh bridge kwtalni bagwi amchaini lukurog kaham sep mansinai. thanglaisu khwlaina bagwi kwlai wngnai lukuorgni bagwi. koktwmao saimankha bebagwi 39 lakh rang swbaiwi ah bridge no swnamjaknai hinwi. Amchaini lukurogni hamkwraini kokno wansogwino ah bridge kwtal swnamna bagwi yapri naharjak kha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
