Thwiya sini swkang no mwng khwlai thangkha rajakhor aguli ni 7 ramnagar bidhan sabha kendra ni BJP ni MLA Surajit dutta. lai thanai december tal oh bo thwima ni ulo phai tong nai 19 april o teisa haino hai by-election ung nani nai tongkha ah kendra o. phai tong nai bidhan sabha by-election oh 7 ramnagar kendra o bharatiya janata party ni ungwi batainai Dipak majumdar. 22 march pha salo kaisa statement rwoi saklai rwkha BJP bodol ni kendriya committee. abo ni ulni simi no chengwi rwjakha chongmari ni pirlaimwng.kwbang kuk vote bai Dipak majumdar no kwplai khwlaina bagwi rajakhor aguli ni krishnagar gana bharatiya janata party ni haba nogo tang salo songsa jak kha kaisa achuglai mwng. ah sal ni achuglai mwng o phawi manjak phawi bodol ni samwng khwlainai rok bai koklam salai kha bharatiya janata party ni pradesh achugphang Rajib bhattacharjee tei 7 ramnagar bidhansabha kendra ni by-election no BJP ni ungwi batai nai Dipak majumdar. kwdukma sal romwi no rajakhor aguli ni mayor ungwi samwng khwlai tongkha Dipak majumdar.aguli no naitho thok khwlaina bagwi samwng khwlaikha bo, tei phai tong nai by-election o bo bo no kwplai ung nai hwnui chaitigjak pradesh BJP ni achugphang Rajib bhattacharjee. 7 ramnagar bidhan sabha kendra ni thwi thangnai Surajit dutta ni emang no soi khwlaina bagwi ah kendra o by-election oh batainai Dipak majumdar. abo no kitingwi phai tong nai 19 april salmari oh by-election songsajaknai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
