MLA Surajit Datta thwimani yagulo phainai 19 april ni salmario 7-Ramnagar bidhansabha kendra oh by-election wngnai. 7-Ramnagar bidhansabha kendra oh BJP ni wngwi batainai Dipak Majumder. 22 March ni salmari oh eba phasalo abono twiwi sakhwlaikha BJP bodolni kendriya committee. Aboni yagulo no haste ni BJP bodol ni ojama sng bono kha-kaham yapharkha. Aro ni bisingo tongo haste ni montri okra Dr.Manik Saha, salthang Tripura oh BJP ni wngwi batainai Biplab Kumar Deb no khobui pradesh BJP ni president Rajib Bhattacharya. Ramnagar ni hamkrai ni bagwi sak tharwi samung khwlailangkha kwcham MLA Surajit Datta. Aswk borom gwnang achukthai oh bono BJP ni wngwi batainai khwlaimani bagwi BJP bodol no hambai yapharkha Dipak Majumder. Surajit Datta ni mwkthang wngjakya emang rokno mwkthang khwlaina bagwi swmai tangkha bo. Je borok no logi logi no ganao manai, jwngjal ni kok no khologwi sawi manai, jwngjal no je mwthagwi manai, ah borokno no Ramnagar ni lukorog vote rinai- phasalo 7-Ramnagar bidhansabha kendra oh by-election oh BJP ni wngwi batainai Dipak Majumder abohai no sakha. Sal kolokma ramwi Agartala city ni mayor wngwi samung khwlaiwi tongo bo. Aboni bagwi no by-election oh kwplai wngnai hinwi kha khwlaikha Dipak Majumder. 7-Ramnagar bidhansabha kendra oh BJP ni wngwi batainai wngmani yagulo 8-town Bordowali mondal ni bwkhak twi mondal ni habanogo Dipak Majumder no kha kaham yapharkha mondal ni president Sanjoy Saha no khobui kubuni adongrok. Asalni pandao manjakha Sadar ni sikla morcha ni president Viki Prasad.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
