2024 bisi ni loksabha chongmari ni sal saklai jak mani ulo no chongmari ni pirlai mwng khwlai tongkha kaham khe no naikolnai bodol BJP. Tripura haste ni simi kai nwi achugthai o no BJP samwng bwtang songsai rwkha. sangrong sal ni phung o golaghati bidhan sabha bai khobjak kanchanmala lokhichora ni 10 no. booth tei ADC amchai ni jugal kishore nagar ni joto nok nogo pirlai mwng khwlai kha haste ni montri okra Dr.Manik saha. ah salni samwng bwtang o montri okra no karwi bo phawi manjak phaikha TIDC ni chiarman Nabadal banik, golaghati ni kwcham MLA Birendra kishore debbarma, sepahijala hangkor ni achugphang Gouranga bhowmik, kanchanmala kami panchayet ni okra naikolnai Pradeep kumar majumdar ni logi hangkor tei mondal ni samwng khwlainai rok. ah salo montri okra joto nok nogo vote ni pirlai mwng o thangwi joto samwng rok pholog jak mani abo rok sawi khwna rwkha, tei salthang Tripura achugthai o BJP ni ungwi batainai Biplab kumar deb no kwbang kuk vote bai kwplai khwlaina bagwi kobok mwng khwlaikha,abo ni logi montri okra tong kosong loku rok ni kaham hamya kok rok bo khwnawi naikha, montri okra ah salo chongmari ni pirlai mwng pawi kanchanmala hati ni bania khwlai kha rok bai bo kok salai kha, abo ni ulo kanchan mala hati ni BJP bodol ni haba nogo phawi bodol ni samwng khwlainai rok bai koklam bo salai kha.
