Chuwak nungwi bihik tei bwsa rogno da bai tan na naio hinwi kok silsajak bwsai. patimung patikha salgra tripura hangkhorni dharma nagar bwkhaste bai khobjak Purba chandra kamio. koktwmao saimankha , salbrumni haikheno chuwak nungwi phaiwi swrang salni hor kothokgo nogo kiphilo Ananta sharma. aphoro nogo tongo , bini bihik jumpi goshwami , bini bwsa okra Anurag Sharma tei bwsala kusu khoroksa. mungsabo kok saya khwlaiwino atomsa khe borogni sakao da bai hamla khwlaina chengo Ananta sharma. bihik jumpi chirikgwi buino ringkhe kirijakgwi kharwi thangkha Ananta. patimungni koktwma manwi aro thangwi sago dukhu manjak rogno sak ham nogo twlang kha naimwthang bodol. Bihik Jumpi goshwami sakha , mungsa ajimungni lama kwrwi haiphano salbrumno chuwak nungwi nogo phaiwi bulai toklai khwlaio. nokhung kaisa wng phano , bwsai kaisa nogo tei bihik bwsa magnwi no twiwi tei kaisa nogo tongo. anganwadi center oh helper ni samung khwlaiwi nukhong chalokgwi tongo jumpi. swrang salo bwsa tei bini sakao bwsai bai hamla khwlaijakma bagwi kirima chai police ni thani chubachu san kha bo. phiya kami amchaini lukurogni bwkhaktwi saimankha bihik risitwima bagwino bwsai omo hai samung khwlaikha hinwi patimungni yagulo tabok kharjak Ananta Sharma.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
