Tiprajwk bwrwi sikli no rompheremani koksilsamung kasakha Teliamura hor bwtharnai brindhiya tangbedekni malkhung chaloknai Varun Debbarma no kebengwi. Koktwmao saimankha, madhyamik exam rinani jugalmungni bagwi Varun Debbarma ni nogo thangkha tiprajwk bwrwi. Varun ni bihik kwrwi sini, ah rwng swrwngnai no rompherewi tongo Varun. Jeswk sal thangwi tongo, aswk no ah rwng swrwngnai no aswk no sikar khwlaiwi tongo Varun. Aboni yagulo kwbok manwi phunugwi sikiriwi bono sikar khwlaio hinwi koksilsamung tisakha rwng swrwngnaijwk ni bwpha. Aboni kwrak salo yoksokliya wngwi Teliamura thanao thangkha bwrwi ni nukhungni borok rok. Samung hamya tangnai Varun Debbarma no thana oh ringjakha. Puila naikolmani yagulo Teliamura thanani SI Manojit Debbarma ni sakao patimungno twiwi naicherna bagwi barja rijakha. Asalni koktwmao sawi mankha Varun Debbarma no innocent hinwi sakhwlai rikha Teliamura thana, aboni yagulo patimungno twiwi mungsa bo mamla khwlaijakya. Tabok ah tiprajwk bwrwi kaham naikolmung da mann maya abo simi naijaknai tongsio.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
