Hakotor ni montri bokhorok Narendra modi ni’vikshit bharat’sankalpa no soi khwlaina bagwi samwng khwlawi tongkha Bharatiya janata party hapang.Tripura ni kai nwi thai o no kwbang kuk vote bai bharatiya janata party kwbang kuk vote manwi Narendra modi no wai tham ni bagwi montri bokhorok ni thai o achug rwna ni bagwi haste ni samwng khwlnai rok no logi twi sal burum burum no achuglai mwng khwlai tong kha haste ni kwcham montri okra eba salthang Tripura loksabha achugthai ni BJP ni ungwi batainai Biplab kumar deb, booth no teibo phan kwbang rwna ni bagwi bobo hai khe samwng khwlainai nani nang nai tei chongmari ni swkang bodol ni samwng khwlainai rok no kaham khe naikol mwng rwna ni logi joto phasing twi no naikolwi tong kha kwcham montri okra Biplab kumar deb. abo no kitingwi no agartala town hall o songsa jak mani achuglai mwng o kwrak salo phawi manjak phai kha bo, kokthum thumnai ni bwskang o bo saklai kha, phai tong nai loksabha chongmari ni swkang bodol ni samwng khwlai nai rok no teibo phan kwbang khwlai na bagwi ah salo kok salai mwng panda songsa jakha.Bharatiya janata party sadar aguli tei grameen hangkor committee ni luajimung bai songsa jak mani achuglai mwng o kwrak salo phawi manjak phai kha Tripura hapang ni kwcham montri eba pabiachara ni tabuk ni MLA Bhagaban das, sadar hangkor BJP ni achugphang Ashim bhattacharjee tei sadar grameen hangkor bodol ni achugphang Ashit roy akosong.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
