Low & order ni mungwi nog nogo habwi dharmani bana khologwikha sector officer. Sector officer ni abohai samung bwtango belai no jolilaijak Dharmanagar ni lukorog. Aboni koktwma manwi thangkha amchaini MLA eba bidhansabha ni speaker Biswabandhu Sen. Khursathai kwlaio, chongmarini sal sakhwlaijakmani yagulo no low & order no narukna bagwi hoda oh ongkhorkha naimwthang. Phiyabha low & order ni mungwi bodol ni bana kholokmani logi logi nog nogo habwi nogni mondir oh thepajak dharmani bana sudu kholokkha sector officer Bijita Saha. Patimungni koktwma manwi patimung thaio thangkha amchaini MLA eba haste bidhansabha ni speaker Biswabandhu Sen. Aboni yagulo Biswabandhu Sen sakha, lamao eba nog nogo jadi bodol ni bana thepajak tongkhe, aborok no khologwi mano, phiyabha kebo kebo ni nogo habwi borokni dharmani bana kholoknani keboni adhikar kwrwi.Sector officer ni abohai samung bwtangno nogwi belai no jolilaijak amchaini lukorog. Phiyabha chongmarini swkang doly oh tongkwchangni boyer tonina bagwi, hangkhor achukphang no bodol-rwk kaisa koklam panda khwlaina bagwi koikha speaker Biswabandhu Sen.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
