cheraiphangni simino natak tei toke roghai habaro belaino kha thangsajak tongmani Bishal sharma mungwi khoroksa sikla. bini eemang tonmani sal sa oh habaro no bini future swnamnai hinwi , phiya bini emang rogbo mukthang khwlaina swkangno oh swngsarno yakarwi kwlangwi thangkha Bishal Sharma. saichong sak baithangno train lamao bakhlaiwi thwikha bo . patimung kokti salni horo Dharma nagar bwkhaste oh. koktwmao saimano koktisalni horo sak baithangni facebook account oh bo suicide note swiwi post khwlaio hinwi. aro bo belaino kha khamungni bisingtwi bini khani kok rogno swi kha . bo sakha, kwbangma borokrogni bagwi jwngjal wngwi tongkha bo . ah jwngjal rogno mwthakna bagwino bo sak no bwtharna bagwi lama saiwi nahar kha. koktwmao teibo saimankha ,cherai phorono bini maa pha thwikh. bo bini jaitini khoroksa yongi nogo tor kha hinwi. cheraiphangni simino natak tei toke rogo bini bwkha tongo . thangnai 12 february oh hasteni haphangni bwkhaktwi accountent ni kaisa post oh job mankha bo. phiya documents rog kisa chaya wngma bai jwngjalo kwlai kha bo . oh patimungni bagwi teibo kha baikha bini. paithakgo mungsa lama manya wngwi langmani chubano yakrwi kha Ah sikla Bishal Sharma. rail lamao bini mang kwthwino nogwi dharma nagar ska ham nogo twlangjakgo. postmortem khwlaima yagulo bini mang kwthwino nokhongni borok rogni yakgo yapharwi rikha. Bishal ni langma chuma bai belaino kha khamlaijak amchaini lukurog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
