Chasalo Teliamura ni simi Agartala oh kiphilwi tongmani jorao Champaknagar ni Ram Sadhu kamio dadak sidak malkhung thutaiwi belai no sak derakha BJP Khowai hangkhor ni president eba 27 Kalyanpur Pramodnagar bidhansabha kendra ni MLA Pinaki Das Chowdhury. Bini logi malkhung chaloknai tei bini guard rok no belai no sagu dukhu mankha. Bokhorok phatiwi thwiphaikha borokni, patimungo scorphio malkhung dukhurep sukherep wngwi thangkha. Oh patimungo yakung tei yago belai no dukhu mankha MLA Pinaki Das Chowdhury. Puila bono Champaknagar sakham nogo twlangjakha, aboni yagulo bini teibu kaham naikolmungni bagwi Agartala GB sakham nogo refer khwlaijakha. Chasalo MLA no naina bagwi GB sakham nogo thangkha haste ni montri okra Dr.Manik Saha, kwcham montri okra eba rajyasabha ni MP Biplab Kumar Deb, pradesh BJP ni president Rajib Bhattacharya, montri Ratan Lal Nath, bidhansabha ni hujakphang Kalyani Saha Roy. Dr. rok bai koklam salaikha tei borokni sakao puito tongo hinwi sakha loksobha chongmari salthang Tripura o BJP wngwi batainai Biplab Kumar Deb Patimungo sak deranai rokno dakti hamnani bagwi surikha pradesh BJP ni president Rajib Bhattacharya.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
