Natural gas no use khwlaiwi haste oh phereng swnamna bagwi Tripura Power Generation Ltd ni luajimung bai Sepahijala ni Rukhiya oh 120 megawatt Combined cycle gas turbine projects ni foundation stone no phiyogwi rikha. Aboni logi Tripura Power Transmision limited ni luajimung bai Agartala ni 79 tila ni simi Rukhiya jora 132 KV double circuit transmission line no phiyogwi rikha. Asalo Rukhiya Gasthermal Power Station oh kaisa panda ni bising twi kainwi projects no phiyogwi rikha haste ni pheeng tangbedekni montri Ratan Lal Nath. Asalni pandao kok narukna thangwi phereng montri sakha, Haste o nangkukmani twi manthokya, aboni bagwi maximum no nutural gas ni bising twi phereng swnamjagwi tongo. Nutural gas use khwlaiwi 63 megawatt phereng swnamjagwi tongo, phiyabha combined gas cycle turbines ni bising twi equal gas use khwlaiwi 120 megawatt swnamwi manai haste ni pheeng tangbedek, tei 845 crore rang swbaiwi swnamjaknai. Phiyabha tabok phereng line rina bagwi je tar use khwlaijagwi tongo, ah tar rok joto no High power electricity hinwi sinijagwi tongo, mungsaswk patimung patiwi mano. Aboni bagwi kwcham tar rokno swlaiwi HTLS gwnang tar thepajagwi tongo. Aro 38 crore rang swbaijakha. Abono karwi bo solar energy no samungo phwnangwi 2034 bisi ni bisingo haste oh 500 megawatt swnamnani yapri naharkha hinwi sakha montri. Asalni pandao manjakha Boxonagar bidhansabha kendra ni MLA Tafazzal Hossain, Sepahijala hangkhor ni president Supriya Das Datta, Vidyut Nigam ni managing director Debashish Sarkar, Tripura Power Transmission Limited ni General Manager Ranjan Debbarma no khobui kubuni adongrok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
