Hai no hai 7 crore rangni coft syrup romkha Assam Karimganja hangkhor ni police. 64 thousand coft syrup ni bottle mankha. Koktwma oh saimankha, chasalni phungo Uttarpradesh ni simi Agartala oh phaimani lamao PB13BD-5534 number ni khungsa malkhungo naitugwi 64,320 bottle coft syrup mankha. Bini hati dor 7 crore wnganu hinwi sakha. Aboni logi malkhung chaloknai Ravi Sharma no bo romkha. Bini nog Madhya Pradesh ni Ashoknagar oh hinwi saimakha. Bini logi Sushil Sukla Vaidya no bo romkha. Malkhung chaloknai police no saka malkhungo tokni chamung hinwi, phiyabha paithago naicherwi kwbangma coft syrup mankha. Malkhung chaloknai sakha, oh syrup Varanas ni simi load khwlaijakha, phiyabha west-bengal eba Meghalaya ni simi load khwlaijakha hinwi wansukha police. Chasalo borok no Karimganja ni dorbar nogo tisajaknai hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
