Sak baithangni nogo no phachi chawi thwikha 75 year ni khorok sa chakrajwk. Udaipur ni Sukanta Palli amchaio oh patimung patikha. Ah chakrajwk ni mung Maya Roy. Nukhungni bwkhak twi saimankha, salbrom ni hai khe no sarikphango nogo achugmani ah chakrajwk, bini hamjwk sarikni saturai sogwi gate sowi nogo kiphilwi nogwi mankha bini bwkrajwk saichung saichung phachi chawi lolalai wngwi tongmani. Aboni logi logi no bini hamjwk bono tikhalaiwi, bisinao mokholkha, aboni yagulo nogni joto no ringkha. Phiyabha ah jorao no oh sungchar no yakarwi thangkha ah chakrajwk. Patimungni koktwma manwi patimung thaio thangwi sagwikha police, aboni yagulo mangkwthai no kochawi Gomati sakham nogo twlangkha. Tabok kwthwi nogo tonijakha, tamoni bagwi ba abohai khe thwinani yapri no naharna nangkha abono twiwi tabok fano sawi manyakhu nukhungni borok.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
