Phasalo montri okra ni tongthai ni nogo loksobha chongmario Salka Tripura o BJP wngwi batainai Maharani Kriti Singh Debbarma malaikha haste ni montri okra Dr.Manik Saha. Asalni malaimungno montri okra Dr.Manik Saha bini sak baithangni social media ni bising twi post khwlaiwi rikha. Chongmario batainai Maharani Kriti Singh Debbarma no kha kaham tei hamjakma yapharkha bo. Montri okra puito khwlaio je loksobha chongmario kwbangma vote manwi kwplai wngnai Maharani Kriti Singh Debbarma. Loksobha chongmario kwplai wngwi montri bokhorok Narendra Modi ni yakno teibu kwrak khwlainai. Haste ni tei tiprasa dopha rok ni hamkrai ni bagwi thansa wngwi samung khwlailainai hinwi kha-khwlaikha bo. Asalni malaimungo borok ni kwcharo thangwi manjakha bubagra Pradyot Kishore Debbarma. Loksobha chongmarini bagwi jugalmungno twiwi koklam salaikha borok. Candidate no kwplai khwlaina bagwi BJP tei Tipra motha sak tharwi samung khwlainai hinwi saimankha.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
