Montri okra ni phawi manjak phai mani o gandachara bwkhaste ni kwdukma sal ni emang raima-saima kalakhetra no songsai rwjakha. ah salo montri okra Dr. Manik saha kaiba samwng bwtang no songsai rwkha virtual ni bising twi. abo no kitingwi gandachara ni wktal auditorium hall oh kaisa panda songsa jakha, 750 achugthai ni ah auditorium no swnam na bagwi 15 crore 23 lakh rang nangkha. phai tong nai sal rogo amchai ni loku rok hukumu panda khwlai man nai.swrung mwng no teibo kwchug o karwna ni bagwi samwng khwlai tong kha haste hapang.ayang phang naharwi no gandachara bwkhaste ni ratan nagar ni ratan mani kami ni high school o songsajak kha kwtal school. ah school swnam thani khorcha ungkha 1 crore 38 lakh 45 thousand’s 321 rang.aboni logi montri okra ni yak romwi bwkhaste ni tong nai loku rok ni kwdukma sal ni emang soi ungkha. ah samwng bwtang no songsai rwmani phuru panda o kok narugkha haste ni montri okra Dr.Manik saha, bo saklaikha, haste gwnagui no kaham habar kiphilwi tongkha, samwng ni phasing ung thung eba swrung mwng ni phasing phano ung thung joto phasing twi no kwchug o kawi tong kha chini haste. bo teibo saklai kha, gandachara bwkhaste amchai o agi ni hapang tong phurr mwng sa bo kaham samwng ung mani nukjakliya, tabuk ni haste hapang phan o phai mani ulo rajakhor aguli ni logi bwkhaste ni joto amchai rogo bo kaham samwng bwtang yago naharwi no samwng khwlai tongkha. gandachara o abo hai mangpili no nukjakha. bo teibo saklai kha hakotor ni montri bokhorok Narendra modi ni naikolma kahai no samwng khwlai tongkha Tripura hapang. Tripura ni logi hakotor ni north-east ni phasing montri bokhorok Narendra modi kaham kheno naikolwi tongkha. montri okra no karwi bo panda o phawi manjak phai kha thung mwng tang bedek ni montri Tinku roy, MP Rebati Tripura, EM Rajesh Tripura, MLA jwk Nandita reang, MDC Bhumikananda reang, dhalai hangkor ni hangkor naikolnai, hangkor police naikolnai akosong.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
