Sanatan dharma ni loku rok ni bising o kaisa ter ungkha shiv chaturdashi, pha salo montri Sudhangshu das ni yak bai no singi-chora saratchandra rwng nok kotor ni thung khola o siri siti ni shiv chaturdashi mela tei block gwnagui exhibition songsai rwjakha. phai tong nai sal ba romwi ah shiv chaturdashi mela tong nai, taklsi bisi o phil sini chi ba eba 75 bisi o kwlai kha ah shiv chaturdashi mela. ah mela no kitingwi sal burum burum no haste ni dal bidal thai ni simi phainai loku rok hukumu panda o rwchaplai mani bo nukjago.ah mela o haste ni dal bida; thai ni simi phawi bania khwlai mani bo nukjago. ah mela o malmata tang bedek, ahh tang bedek, bolong tang bedek tei khowai hangkor ni kwbangma block tei self help group ah exhibition songsa jago.ah stall rok ni bising twi dal bidal swrung mwng bo phunuk jago. panda o kok narugna phuru bwrui rok ni phasing naharwi montri saklai kha,bwrui rok ni bagwi no chini hukumu, mukumu,siri siti.kanmung chumung, joto phasing twi no bwrui rok bwskang o thangjak, tei hoda tei hakotor o kwchug o karwna ni hwnkhe bwrui rok no puila o borom rwna ni nang nai, ayang phasing naharwi no samwng khwlai tongkha BJP hapang.abo ni logi ah salo kok narugna phuru tini ni simi bisa ni swkang montri ungwu swmai nahar mani abo rok no bo mwitu khwlawi kok samani nukjakha montri Sudhangshu das no.Ah salni panda o montri bai phawi manjak phai mani nukjak kha ML A Pinaku das chowdhury, hangkor parisad ni achugphang Joydeb debbarma, hangkor porisad ni ojama Subrata majumdar, panchayet samiti ni vice chairperson Tapash kantidas, hoda naikolnai Pranab biswas akosong.
