Maharaja Bir Bikram Kishore Manikya ni emang Tripura haste no shrestha Tripura swnamnani emangno mwthang khwlaina bagwi BJP bodol bai Tipra motha bodol rok alliance wngkha. Tiprasa tei joto bosongni lukorogno thansa wngmani yagulo no Tripura ni hamkrai wngnai. Hakotor ni montri bokhorok Narendra Modi ni twidulmung bai hamkrai wngjak Tripura swnamna bwkhak thangwi tongo hinwi sangrong salni horo atomsakhe Rajbario thangwi kiphilmani jorao koktwma thumnai rokni bwskango abohai no sakha salthang Tripura ni wngwi Loksobha chongmario BJP ni wngwi batainai eba rajyasabha ni MP Biplab Kumar Deb. Sangrong salni horo atomsakhe Tipra motha bodol ni kwcham supremo eba haa Bubagra Pradyot Kishore Debbarma bai malaina bagwi Nuyungmao thangkha Biplab Kumar Deb. Bubagra ni nukhungni borok rokni logi logi Tipra motha ni kubuni ojama sng bai bo malaikha haste ni kwcham montri okra. Malaimung paimani yagulo koktwma thumnai rokni bwskango Biplab Kumar Deb sakha, phainai loksobha chongmarino twiwi koklam salaikha hinwi sakha bo. Haste ni kainwi achukthaio kwplai khwlaina bagwi koklam salaikha borok. Aboni logi Biplab Kumar Deb teibu sakha, New-Delhi parliamentary board ni koklam panda wngmani yagulo salka Tripura ni wngwi loksobha chongmario sabo bhachanai abono twiwi sakhwlaijaknai. Hakotor ni montri bokhorok Narendra Modi no hai no hai montri bokhorok swnamna muchungjago Tripura haste ni lukorog- sangrong salo abohai no sakha salthang Tripura ni wngwi loksobha chongmario BJP ni wngwi batainai eba rajyasabha ni MP Biplab Kumar Deb.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
