2023 bisi ni bidhansabha chongmario kwbangma vote manwi kwplai wngkha Bharatiya Janata Party. 8 march eba tini ni salno bisi sa sal pungsakha. Modi ni sinimungno twiwi chongmario choba khwlaina thangwi tongo Bharatiya Janata Party. Phasalni simi chengsajakha 2024 bisi loksobha chongmarini kokpirmung. Sal kisa swkangno hakotor ni kwbangma thaio chongmarini kokpirmung chengsamani nukjakha. Aro chini Tripura haste bo khobjago. Aroni bisingo no salthang Tripura oh BJP ni wngwi batainai Biplab Kumar Deb ni mung sakhwlaijakha. Phasalo Agartala townhall o kokpirmungni pandao manjakha haste ni kwcham montri okra eba rajyasabha ni MP Biplab Kumar Deb,pradesh BJP ni president Rajib Bhattacharya, haste ni rangthong montri Pranajit Singha Roy, montri Santana Chakma, montri Ratan Lal Nath, haste ni kwcham yakchu montri okra Jishnu Debbarma, MLA ,ojama sngno khobui bebagwi 900 ojama sng manjakha. Chongmarini kokpirmungno twiwi koklam salaikha borok. Video conference ni bising twi haste ni lukorog no kok kwcharkha haste ni montri okra Dr.Manik Saha. Asalni pandao kok narukna thangwi haste ni kwcham montri okra Biplab Kumar Deb sakha, lerfano jora ni bisingo no BJP bodol bai gwdalkha tipra motha. perfeck train borok no modi ni thani twlangwi sagwirinai hinwi sakha bo. Kendra tei haste haphangni kwbangma hamkrai ni projects rok no twiwi haste ni lukorogno hujak khwlaina bagwi bebagwi 60 bidhansabha kendra o kai bwrwi LED van rahorjakha. Abono karwi bo suggetion box tongo, abono karwi bo bjp ni sankalp bwlai ni bising twi koimung horwi mano hakotor ni 1 crore lukorog. Abono twiwi phasalo swbai sukurwbwi sai khwna rikha haste pradesh BJP ni president Rajib Bhattacharya BJP ni sankalp bwlai ni bagwi namo app ni bising twi hakotor ni lukorog no koikha hakotor ni montri bokhorok Narendra Modi.
