Haste ni thung kwrung o kwtal nahar mwng,kendriya hapang tei haste hapang ni bising o contract sing ungmani ulo Tripura ni bharatiya janta party hapang bai alliance ungkha haste ni kebeng nai bodol Tipra motha.phai tongnai loksabha chongmari ni swkang no ah alliance ungkha,Tripura montri sabha ni ojama ungwi sangrong salo swmai naharkha Animesh debbarma tei prati montri ungwi swmai naharkha Brihaketu debbarma, rajbhavan o borok no swmai nahar rwkha Tripura ni haste pha Indrasena reddy nallu.kaisa panda ni bisingtwi BJP bai alliance khwlaikha tipra motha, sangrong salo swmai nahar rwmani panda o rajbhavan o phawi manjak phai kha bharatiya janata party ni pradesh achugphang Rajib bhattacharjee tei Tipra motha bodol ni kwcham supremo eba bubagra Pradyot kishore debbarman,panda pawi kokthum thumnai ni bwskang o pradesh BJP ni achugphang Rajib bhattacharjee saklaikha, north-east bharat ni bising o Tripura haste no kwchugo karwna ni bagwi nawi tongkha hakotor ni montri bokhorok Narendra modi.Tei khaksa phasing teikaisa kok samani nukjakha bubagra Pradyot kishore debbarman no,montri ungmani ulo sakni tiprasa loku rok ni kok pogwi thangkhe ung galak,borok no joto phasing twi no sep rwna ni nangnai,Tripura montri cabinet ni bising o bo sakni sanlai mwng tisa nani nang nai hwnui saklai rwkha bubagra.abo ni logi salka Tripura loksabha kendra ni batainai sabo ung nai, abo no twi bo kok narugmani nukjakha bubagra no.bo teibo saklai kha, BJP ung thung eba Tipra motha ung thung, salka Tripura ni simi delhi o abo hai borok nono hor nai, je tiprasa loku rok ni kok delhi o thangwi sanai. phai tong nai 2024 bisi ni loksabha chongmari ni swkang no haste ni bharatiya janata party hapang bai alliance khwlai kha tipra motha, tabuk nahar mwng bwsuk jora twi kaham ung nai phai tong nai chongmari oh.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
