Atomsa khe sak ni naikol mwng o tong mani tang bedek rogo naikol na bagwi thang o, eba kisa misa samwng juda nukhe office o tala khachi rwoh. abo simi ya, sal burum burum no tang bedek ni samwng khwlainai rok no twi achuglai mwng khwlai tong kha Tripura hapang ni tapashili jati kalyan, ahh tei malmata tang bedek ni montri Sudhangshu das.bini naikolmwng kaisa no haste hapang ni dal bidal sep rok Tripura ni joto loku rok ni bwskang o tisai phunok nani bagwi.ayang phasing naharwi no kai tham tang bedek ni okra naikolnai rok no twi bishramganj sepahijala hangkor naikolnai ni office o achuglai mwng songsai rwkha swrang salo. ah salni achuglaimwng o phawi manjak phaikha montri Sudhangshu das, haste ni malmata tang bedek ni sachib BS.mishra,sepahijala hangkor malmata tang bedek ni deputy director Amal majumdar, sepahijala ni hangkor naikolnai Jayanta dey tei district welfare officer Prasenjit benarjee ni logi hangkor ni dal bidal tang bedek ni kwchug thai ni joto samwng khwlainai rok.tapashili jati kalyan,ahh tei malmata tang bedek ah kai tham tang bedek bai khobjak kendriya tei haste hapang ni joto samwng bwtang rok sepahijala hangkor ni bagwi rwjakha, tini ni salo bachawi ah samwng bwtang rok bwsuk jora twi soi ungkha abo rok no twi no ah salni achuglaimwng. ah kai tham tng bedek ni bwkhak twi samwng bwtang oh kami hatai amchai ni sebok sikla sikli rok ni bagwi kaham ung nai,abo hai jora rogo joto samwng bwtang ni bwkhak twi kaham khe da manwi tongkha tong kosong loku rok, abo rok no naikolna bagwi swrang salo achuglai mwng khwlaikha hwnui sakha montri Sudhangshu das. phiya simi office o achugwi gosimwng naharya karwi,ah gosimwng rok bwsuk jora twi samwng ungkha, abo no naikolna bagwi haste hapang ni nangkuk mani kok rok sawi khwna rwkha montri Sudhangshu das.hoda ni joto tapashili jati loku rok ni thanai hapang ni sep rok rwna ni bagwi sarkari okra naikolnai rok no gosimwng rwkha montri.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
