Agini laithanai jorao hoda ni system belai no kaham tongmani, bwrwi rokni phan no koboini phan. Agini jorao aboni bagwi no manwi khokjakmani, dhakati, rape hai rok mungsa bo wngya. 35 years ramwi Tripura o haphango tongkha yakchi bodol, borokni jorao bwrwi rokno satok pitok khwlaio, tei Nari samitini mungwi bwrwi rokno lamao tikhalaio. Tabok aborok mungsa bo kwrwi. Swrang salo Agartala ni Ramnagar oh songchajak shakti bhandhan panda o manjagwi abohai no sakha salthang Tripura o BJP ni wngwi batainai MP eba kwcham montri okra Biplab Kumar Deb. Kok narukna thangwi bo sakha, Tripura o tabok fano masa musa communist rok tongo, je kaisa jorao borokno bokhorok gwnang borok hinwi sinijagwi tongmani, phiyabha tini ni salo borok no kebo fano siniya. Aboni logi bo teibu sakha, swkango Tripura o mumbhati twiwi himbotok oh ongkhoro, abo joto no cummunist rokni hamya samungni result. Abono sudu koklam salainani bagwi simi se. Chini kwtal generation rok abono twiwi saimanya. Borok no aborokno twiwi sana nangnai. Hayakhe jora phaiphuru bomo koboi bomo chengsa aborok no twiwi chwngnono swngnai generation ni cherai rok. Aboni logi asalo bo west-bengal Sandeshkhali ni patimungno twiwi bo kok sakha. Tei Tripura o abohai wngya. Tamoni hnk chwng communist rokno copy khwlaiya. Aboni logi West-bengal ni montri okra Mamta Banerjee no yasi surwi kok sakha je, communist rokni tamung chamungno totally follow khwlaiwi tongo west-bengal ni montri okra Mamta Banerjee. Aboni bagwi no tini ni salo west-bengal ni abohai dosa. West-bengal ni lukorog tabok joto no bhuchikha. Tei phainai loksobha chongmario west-bengal ni lukorog montri bokhorok no kwbangma seat gift rinai hinwi sakha. Asalni pandao kwcham montri okra eba rajyasabha ni MP Biplab Kumar Deb no karwi bo manjakha Agartala municipal corporation ni mayor Dipak Majumder, corporater Abhishek Datta no khobui kubuni adongrok. Asalo amchaini lukorog haste kwcham montri okra no gana manwi belai no kha-tongthokjakha. Amchaini bwrwi rok bono kebo kebo kholomlaikha, tei kebo kebo bono kha-kaham yapharkha. Swrapsani bagwi bo bo belai no khakamjakha bo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
