Swrang salo hakotor rwgwi no mohila morcha ni twidulmung bai Tripura haste o bo nari shakti ni Vandhan panda songchajakha. Haste ni joto bwrwi rok no ah pandao manjakna bagwi koikha Tripura mohila morcha ni pradesh president Mimi Majumder. Hakotor ni montri bokhorok Narendra Modi ni jorao bwrwi rokni phan ni bagwi je mangpili nukjakha bharat hakotor ni thwng habar o, abono no asalo palaikha mohila morcha ni members sng. Bwrwi rokni hamkrai ni bagwi ‘beti bhachao, beti parao, Jana dhan yojana, Ujjala Yojana, Pradhan montri abhash yojana, kannya suraksha no khobui kwbangma samung bwtangni yapri naharkha kendra haphang. Kaisa ni yagulo kaisa projects ni bising twi bwrwi rokni phan no bari rina bagwi sak tharwi samung khwlaiwi tongo montri bokhorok Narendra Modi. Phainai 8-march hayung rwgwi no international women day palaijagwi tongo. Hakotor ni joto bwrwi rokno thansa khwlaina bagwi no saltham ramwi nari shakti vandhan samung bwtang panda songchajakha. Asalo West-bengal ni Barasat ni simi hakotor ni joto self help group ni members rokni thani koikha hakotor ni montri bokhorok Narendra Modi. Agartala doly ni Bonkumary o songchajak kaisa pandao manjagwi montri bokhorok ni kok no khwna kha Tripura mohila morcha ni pradesh president Mimi Majumder. Koktwma thumnai rokni bwskango phaiwi ‘nari shakti vandhan’ samung bwtangno twiwi sakha bo. Aboni logi bo teibu sakha, West-bengal ni salgwra 24 porgana hangkhor ni Sandeshkhali amchaio bwrwi rokno rompherejakmani kok twiwi sakha. Oh selangma sinsa patimungo amchaini ojama sng eba trinomool congress ni ojama sng gwdaljak hinwi direct yasi surkha bo. Hakotor ni montri bokhorok Narendra Modi ni kobokmung bai tei mohila morcha ni twidulmung bai saltham ramwi hakotor rwgwi nari shakti vandhan samung bwtang panda songchajaknai hinwi sakha Tripura mohila morcha ni pradesh president Mimi Majumder.
