Bolong mayung rogni bagwi jwngjalo khwlaijak teliamura amchaini lukurog. Tang salni phung dam brwi wngma jora tei waisa haino hai lukurogni nogo hamla khwlainkha bolongni mayung . Kailai panda ni nog rog swbaiwi rikha mayung rog. Masa og gwnang mosok no bo bwthar rikha bolong mayung ni ah bodol. Koktwmao saimankha teliamura thana bai khobjak madhya krishnapur amchaio Satish bhowmik ni nogo kailai panda nog no naitho thok khwlai sajok Jak mani panda ni bagwi . Phiya phung aichukgo nogni borok joto thujak phorono sep nai hamla khwlai kha bolong mayung ni bodol.kothani nogni dogar swbaiwi kai nwi bosta mairong chai pai kha mayung rog. Aro masa og gwnang mosok no bo bwthar rikha mayung rog. Mungsa Lama manjakya wngwi Lama ksaulai kha amchaini lukurog. patimungni yagulo koktwma rijak kha bolong tang bedekni okra naikulnai tei rangers rogno . Logi logi patima Thai o thangwi sogwi kha kwbangma naimwthang bodol. Ah jorao bolong tang bedekni bwkhaktwi sajaknkha bolong mayung rogno dati no radio collar kanrijaknai hinwi .
Rangers rog sakha tinino swnamwi rijak nai hamla khwlaijakma nog rog .Tang bedekni bwkhaktwi kok rijakma yagulo Lama kasuma rosai nahar kha amchaini lukurog.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
