Tripura ni tiprasa loku rok ni bagwi cha salo kotor gosimwng naharkha kendriya hapang.loksabha chongmari ni batainai rok ni mwng saklai jakya sini swkang no tiprasa loku rok ni manthai rok gosimwng rwna ni naikha delhi.abo hai khe no kendriya union home minister Amit shah ni haba nogo dipor ni dam sa o kaisa nangkuk mani achuglai mwng songsai rwjakha, ah panda o phawi manjak phai mani Tripura haste ni montri okra Dr.Manik saha, kwcham montri okra eba haste sabha ni dagiphang Biplab kumar deb, haste ni minority welfare ni montri Suklacharan noatia, Bubagra Pradyot kishore debbarman tei kebeng nai bodol ni adong Animesh debbarma, achuglai mwng pawi kendriya hapang, Tripura hapang tei Tipra motha ni bising o agreement signature khwlaikha cha salo.ah phuru phawi manjak phai kha ah achuglai mwng o kendriya union home minister Amit shah bo. statement rwoi bo saklaikha, Tripura ni laibuma o tini eba cha salo kaisa kaham koktwma, manthai ni bagwi tei choba khwlai nani nangalak, hakotor ni montri bokhorok Narendra modi ni’Bikshit bharat’ni emang ni bising phano Tripura ni kaham ungkha, bharat hapang joto tiprasa loku rok ni bagwi logi bachawi samwng khwlainai hwnui sakha kendriya union home minister. Haste ni tiprasa loku rokno borom rwoi cha salo agreement signature khwlai mani o kaham ung nai tei joto samwng o no logi rwnai hwnui sakha Tripura ni kwcham montri okra eba haste sabha ni dagiphang Biplab kumar deb,Tripura ni loku rok ni kok wansugwi abo hai sep naharma bai hakotor ni montri bokhorok Narendra modi tei kendriya union home minister Amit shah no kha bai hambai yaphar kha bo. Kwdukma sal romwi tiprasa loku rok ni manthai sanwi phai mani ah emang rok soi ungkha cha salo.hakotor ni montri bokhorok Narendra modi tei kendriya union home minister Amit shah ni abo hai sep naharma bai khaphur jak haste ni loku rok
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
