Yaksi ni jora rogo chongmari ni swkang tei ulo choprob lai mani kaisa habar tungphwlai mani abo rok nukjago. abo loksabha chongmari ungthung eba bidhansabha chongmari eba panchayet chongmari ungthung khoroksa tong kosong loku rok phano yak kakya. pha salo beloia BJP yuba morcha ni luajimung bai songsa jak mani Chopal achuglai mwng o kok narugna phuru abo hai khe no kok samani nukjakha kendriya prati montri Pratima bhowmik no. sathai kwlai o, loksabha chongmari ni sal tabuk phano saklai jakya kho, abo ni swkang no naikolnai BJP bodol chongmari no twi samwng bwtang yago naharkha, motha ni bwkhak twi sabha tei dal bidal achuglai mwng khwlai tongkha salsi Tripura hangkor belonia bidhan sabha kendra o. BJP yuba morcha ni bwkhak twi songsa jak mani chopal achuglai mwng o belonia saalgwra bharat chandra nagar kami panchayet amchai ni joto loku rok no phawi manjak phai mani kwbang no nukjakha, kendriya tei haste hapang ni dal bidal samwng bwtang ni kok tisa khwna rikha tei phai tong nai loksabha chongmari o Tripura o kai nwi thai no BJP kwplai ungwi montri bokhorok Narendra modi no sokat yapharjak nai hwnui kobok mwng khwlai kha kendriya montri Pratima bhowmik.Ah salni achuglai mwng o Pratima bhowmik no karwi bo phawi manjak phau kha pradesh yuba morcha ni tangphang Suman debnath, salsi hangkor yuba morcha ni achugphang Bipul bhowmik, yuba morcha ni mondal achugphang Rahul chowdhury, belonia mondal achugphang Goutam sarkar akosong.
