Bhanupada Chakraborty ni mung haste ni police ni thani belai no sinimung manwi. Bo khorok sa police officer wngmani logi logi khorok sa hukbar khwlaimao bo bini belai no talent tongo. Bini tongthai nogo chakumra, mogodham, motor bhuchilwi, fantok, badhacopi, fantok mukhui, milok, tei dalok no khobui joto manwi khwnwi rok kaham khe no khwlaiwi tongo salgwra Tripura hangkhor ni police super Bhanupada Chakraborty. Asalo koktwma thumnai rokni bwskango salgwra hangkhor ni police super Bhanupada Chakraborty sakha, Tripura ni habar hukbar khwlainani bagwi belai no kaham. Jese mwikhutung fano khwlaiwi mano chini haste o. Bo teibu sakha, bini quarters o ek inchi fano jaga bhukcha kwrwi, joto jagao no mwikhutung kaijak. Sak baithangni yak bai kaijak mwikhutung no chawi tongo bo. Hatini mwikhung rok paina nangyakhu hinwi sakha bo. Jaga bukcha tongnai rokno mwikhung khwlaina bagwi kok kwcharkha bo. Aswk jora kwrwi ni bisingo fano kisa kisa khe jora tikhalaiwi abohai khe mwikhutung kaiwi tongo.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
