Bwsa khorok brwi yakarwi kubuni chwla bai kharwi thangkha khungsa nokhungni hamjwksa. khursathai kwlaio, bisi chi char swkang teliamura thana bai khubjak Baisgoria amchaio shankar das ni logio kaijak mani salgra hangkhor dharma nagar amchaini tongnai Lipika Malakar. Aswk bisi rwkgwi kaham kwrwng kheno nokhung khawi phailai mani borog. kaijakma yagulo borogni khorok tham sajwk tei khorok sa sajwla wngkha. phiya jora kisa rwkgwi Lipika Malakar Prasanjit Debnath mungwi khoroksa chwla bai kok sana chengo. sal sni swkangno bihik no ah chwla bai kok sama nuk kha shankar Das. Aphurono jolijakgwi bihik ni yakni mobile no swbaiwi rikha bwsai shankar. ah jorano nog yakarwi thangkha Bihik Lipika tei kiphiliya nogo. yagulo bihik ni koktwma sahor kha bihikni nogni borokrogno. phiya sal sni laiwibo bihikni mungsa koktwma manliya bwsai. paithakgo mungsa lama manya wngwi koktwma thumnai rogni chubachu nahar kha bwsai Shankar Das. Bihik amtwikhe nog yakarwi kwlangmani ulo prasenjit debnath mungwi ah sikla ni yak tongo hinwi kok silsa kha bwsai. bwsa khorok bwrwini mayao bihikno dati khe rotokgwi mana mochongjakgo bwsai.
Anganwary Inspection tei Monitoring App no phiyogwi rikha Tinku Roy
Haste ni anganwary center rok cherai rokni thinangno kaham swnam thani belai no nangkukmani yakumu toniwi tonioh. Anganwary center rok...
